مجلس الأمة !! 2009

السلام عليكم شلووووووونكم

حبيت اكون اول واحد يكتب بهالقسم ، عشان يتبارك

المهم ..

مجلس الامه .. وما ادراك ما مجلس الامه !

انا شايف ان كثرة الحل للمجلس مو قاعده تييب نتيجه ..لان الاعضاء كل مره نفسهم الي قاعدين ينجحون ..

بس ان شالله هالمره نشوف في تغيير


حبيت اعرف رايكم بمواصفات المرشح الي تبونه ينجح " يعني نقدر نسميه بالعربي "المرشح الشقردي " او " المرشح النجاشي >> شكو

وكذلك ابي رايكم بالانتخابات الفرعيه .. وهل تستحق التجريم ؟!

... اسمحولي انا راح ابدى ..

مواصفات المرشح الشقردي " رايي " :

* انه يكون صادق مع نفسه قبل لا يكون صادق مع الناس

* ما يكون حكومي " اي شي تقوله الحكومه يصوت معاها " .. بس هذا مو معناه ان كله يوقف ضد الحكومه ، اذا الحكومه كان رايها اصلاحي مافي مانع ان يصوت معاه ...

* ما يمنع انه يكون ينتمي لتيار او حزب سياسي ، لكن الاهم ان يكون غرضه الاصلاح ، ولا يفضل نفسه على المواطنين ..
وللأسف .. الكل رفع شعار الاصلاح ، حتى ما قمنا نعرف الصادق من الجاذب ..

* بالنسبه لي ، يفضل ان يكون اسلامي .. بس مو شرط ينتمي لحركه او حزب اسلامي .. ولكن يكون ملتزم وما يخالف شرع الله ..

*ما يكون قبلي ، اي انه يعتمد كليا على قبيلته لوصوله للمجلس .. بعدين اذا وصل ضبطهم ..!
وللاسف .. ان في بعض الدوائر .. الغير القبلي يكون امله ضعيف بالفوز .. لان كل قبيله تصوت حق مرشحها .. وخصوصا دايرتنا (الدائره الرابعه )

.... وبس نعطيكم فرصه تقولون شي

اهوه في مواصفات اكثر ، بس هذي الي طرت على بالي عالسريع ..

اما بخصوص الفرعيات ..

فآنا اشوف انها زينه وشينه بنفس الوقت ..

الزين فيها ان تصفي لنا المرشحين .. فيكونون محصورين بعدد معين ..

والشين .. ان في ناس كفاءات ما ياخذون حقهم في الوصول للمجلس .. وبمجرد سقوطه بالفرعيه محد يصوتله من ابناء القبيله والمنطقه ..

........

نبي نسمع اراءكم وانتقاداتكم